Mae’r eglwys fel cinio Nadolig!
Byddai’r rhan fwyaf yn cytuno mai un o uchafbwyntiau dydd Nadolig yw’r cinio – y twrci, grefi, soch mewn sach, llysiau, saws bara… mae’r rhestr yn mynd ymlaen! Er y byddem yn cytuno ar y wledd, byddai llai o gytundeb ar yr elfen orau o’r pryd bwyd. Mae rhai yn caru’r cig, eraill y sawsiau, eraill y llysiau a hynny cyn i ni hyd yn oed feddwl am y pwdin a’r diodydd! Mae’n debyg mai’r amrywiaeth sy’n ei wneud mor arbennig.
Mae llawer heddiw yn meddwl bod eglwys neu gapel yn llawn o bobl dda gyda diddordebau a chefndiroedd tebyg. Efallai eich bod wedi osgoi mynd i’r capel oherwydd eich bod yn teimlo na fyddech yn ffitio i mewn nac yn cael eich croesawu. Ond mewn gwirionedd, mae eglwysi a chapeli byw yn llawn amrywiaeth, yn union fel cinio Nadolig. Rydyn ni i gyd yn wahanol – gwahanol oedrannau, cefndiroedd, swyddi – mae croeso i bawb.
Beth am ymweld ag eglwys neu gapel lleol y Nadolig hwn?
Byddwch yn siwr o gael croeso cynnes.
Cacen Gaws Mins Pei
Cyfoethog a hufennog, gyda blas tymhorol!
Paratoi: 10 mun Gadael: 60 mun Yn ddigon i: 8 person
Cynhwysion:
150g bisgedi digestive
50g bisgedi sinsir
125g menyn, wedi toddi
500g caws meddal ysgafn
50g siwgwr eising
100ml hufen dwbl
100g briwgig Nadolig
croen 1 oren
Dull
Irwch dun pobi 20cm gydag olew yn ysgafn a’i leinio â phapur pobi.
Blitsiwch y bisgedi mewn prosesydd bwyd nes eu bod yn ymdebygu i friwsion bara mân. Mewn powlen ar wahân, cymysgwch â’r menyn wedi’i doddi. Trowch i mewn i’r tun pobi, ei wasgaru i haen wastad a gwasgwch i lawr yn gadarn. Oerwch yn yr oergell wrth i chi baratoi’r gymysgedd cacen gaws.
Curwch y caws meddal nes ei fod yn llyfn, rhidyllwch y siwgr eising i mewn iddo a’i guro i gyfuno. Trowch yr hufen i mewn yn raddol nes ei fod yn llyfn a phlygwch drwy’r briwgig Nadolig.
Taenwch y gymysgedd dros y gwaelod yn gyfartal ac oeri am tua 1 awr, nes ei fod wedi setio.
Tynnwch y gacen gaws yn ofalus o’r tun trwy godi’r papur pobi a’i thorri’n wyth darn. Addurnwch gyda’r stribedi tenau o groen oren a mwynhewch.
Comments